Demalys kúnderi Almaty joldarynda 8 mas júrgizýshi ustaldy, – dep habarlaıdy almaty-akshamy.kz.
Almatyda “Quqyqtyq tártip” respýblıkalyq jedel aldyn alý is-sharasynyń kezekti kezeńi ótip jatyr.
– Keń aýqymdy is-shara jol-kólik oqıǵalarynyń aldyn alýǵa, olardyń saldarynyń aýyrlyǵyn azaıtýǵa, jol qozǵalysy erejelerin buzý derekteriniń jolyn kesýge jáne anyqtaýǵa baǵyttalǵan. Profılaktıkalyq jumystar kúsheıtilip, jol qozǵalysyna qatysýshylar arasynda jol qaýipsizdigi talaptarynyń saqtalýyna baqylaý kúsheıtildi. Ótken demalys kúnderi qala joldarynda 2 myńǵa jýyq jol erejesin buzý deregi anyqtaldy, – dedi Almaty qalalyq polısıa departamenti jergilikti polısıa qyzmeti basqarmasynyń bastyǵy Serik Shýmaev.
Onyń ishinde kólik quralyn mas kúıinde basqarýdyń 8 deregi, júrgizýshi kýáligi joq adamdardyń kólik quralyn basqarýynyń 16 deregi, qarama-qarsy qozǵalys jolaǵyna shyǵýdyń 9 deregi, avtokólikti qaıta jabdyqtaýdyń 7 deregi, kólik quraly terezelerin qarańǵylaýdyń 38 deregi bar. Sondaı-aq samokat tizgindegen 303 adam jáne moped basqarǵan 500 adam ákimshilik jaýapkershilikke tartyldy. Jedel aldyn alý is-sharalary ótkiziletin kúnderi patrúldik polısıa qyzmetkerleri kúsheıtilgen qyzmet atqarady.
– Birinshi kezektegi mindet – jol qozǵalysy erejelerin buzýdy anyqtaý jáne jolyn kesý. Óreskel buzýshylyqtar – mas kúıinde kólik júrgizý, qarama-qarsy qozǵalys jolaǵyna shyǵý, qaýipsizdik beldikterin taqpaý, kólik quralyn basqarý kezinde uıaly telefonmen sóılesý, apattyq jaǵdaıdaǵy kólikterdi anyqtaý jáne jolyn kesý derekterin anyqtaý, – dedi Serik Shýmaev.