Polıseıler birqatar qaryzy bar aqmolalyqty Almatydan tapty.
Kókshetaý qalasy PB KPB izdestirý tobynyń qyzmetkerleri oblys ortalyǵynyń 35 jastaǵy turǵynynyń bir jarym jyl úzdiksiz izdeýden keıin turǵan jerin anyqtady, dep habarlaıdy Almaty-akshamy.kz Polisia.kz-ke silteme jasap.
Er adamnyń ákesi 2021 jyldyń qańtarynda ulynyń joǵalǵany týraly ótinishpen júgindi. İz-tússiz joǵalǵan aqmolalyqtyń ata-anasynan basqa jubaıy men eki jas balasy bar. Er adamdy izdeýge Kókshetaý qalasy Polısıa basqarmasynyń, Aqmola oblysy PD aýmaqtyq bólimsheleriniń jeke quramy, berilgen kúshter baǵyttaldy.
İzdestirý sharalaryn júrgizý barysynda iz-tússiz joǵalǵan er adamnyń mıkroqarjy uıymdarynda, QR bankteriniń birinde, sondaı-aq jeke tulǵa aldynda birqatar bereshegi bar ekeni anyqtaldy. 2 tamyzda Kókshetaý jedel ýákilderi iz-tússiz joǵalǵan adamnyń ornalasqan jerin Almaty qalasynan anyqtady.