Qazaqstannyń eńbek sińirgen qaıratkeri, akter Asylbek Boranbaev óz tańdaýyn jasady, dep habarlaıdy Almaty-akshamy.kz
"Jarqyn bolashaq úshin daýys berdik", - deıdi akter.
«Saılaýdan qalǵan emespiz. Udaıy qatysyp kelemin. №129 saılaý ýchaskesinde tańdaý jasaldy. Elimizdiń bir azamaty retinde saılaýǵa barýymyz kerek. Jarqyn bolashaq, urpaq úshin tańdaý jasaǵan jón. Memleket gúldensin desek, úıde qalmaı saılaý ortalyqtaryna baryp, daýsymyzdy berý mindet dep sanaımyn. Ádiletti Qazaqstan ornatqymyz kelse, alqaly prosesten qalmaıyq.
Sońǵy kezderi «mensiz de saılaý ótedi» degen jańsaq pikir ushyrasady. Syn oryndy bolsa ıgi. Árbir saılaýshy óz daýsyn qadaǵalasa, baqylaýshylar da soǵan múddeli bolsa, ádildik ornaıdy. Sondyqtan saılaý beketine kelip óz tańdaýymyzdy jasaıyq. Úkimettiń sapaly is atqarýy, búdjettiń bekitilýi, aldaǵy memlekettik josparlar osy naýqanǵa tikeleı baılanysty bolyp tur. Osy rette árbir saılaýshy saılanýshynyń saılaýaldy baǵdarlamalaryn oryndalýyn qadaǵalanýy tıis. Sol kezde ǵana demokratıaly elge aınalamyz», - deıdi Asylbek Boranbaev.