Iaǵnı, Halyqqa qyzmet kórsetý ortalyqtary qolhat berýdi toqtatady
Halyqqa qyzmet kórsetý ortalyqtarynda 8 qyzmet boıynsha qaǵaz túrinde beriletin qolhat qysqartyldy, dep habarlaıdy Almaty-akshamy.kz
«Azamattarǵa arnalǵan úkimet» memlekettik korporasıasynyń basqarma tóraǵasy Súıenish Ábdildınniń aıtýynsha, qaǵazsyz qyzmet kórsetýge kóshý birneshe kezeńmen júzege asyrylady.
"Memlekettik apparatty jalpy sıfrlandyrý jáne búrokratıasyzdandyrý aıasynda mıllıondaǵan tonna qaǵazdy tehnologıalar men onlaın-servısterge aýystyrý qajet, biz osy baǵytta jumysty bastap ta kettik. Endi qazaqstandyqtarǵa qujaty daıyn bolǵanda qaı HQO-ǵa júginý kerektigi jáne ýaqyty kórsetilgen sms-habarlama keledi. HQO operatoryna klıent qolhattyń elektrondy nusqasyn kórsetse boldy", — dedi Súıenish Ábdildın.
Qolhat berilmeıtin qyzmetter tizimi:
- Qazaqstan Respýblıkasynyń ulttyq kýálandyrýshy ortalyǵynyń tirkeý kýáligin berý jáne keri qaıtaryp alý;
- Qazaqstan Respýblıkasy halqyn turǵylyqty jeri boıynsha tirkeý;
- Qazaqstan Respýblıkasy halqyn turǵylyqty jeri boıynsha tirkeýden shyǵarý;
- Azamattyq hal aktilerin tirkeý týraly qaıtalama kýálikter nemese anyqtamalar berý;
- Sottylyqtyń bolýy nemese bolmaýy týraly anyqtama berý;
- Jyljymaıtyn múlikke quqyq belgileıtin qujattyń telnusqasyn berý;
- Jyljymaıtyn múlik obektileriniń josparyn (sqemasyn) qosa alǵanda, tirkeý organy kýálandyrǵan tirkeý isi qujattarynyń kóshirmelerin berý;
- Jyljymaıtyn múlik obektileriniń tehnıkalyq pasportynyń tólnusqasyn berý.