Bul - bıliktiń tartqan resmı aqparaty.
Zilzalanyń kúshi 7,6 balǵa deıin jetken. Birneshe qalada jaraqat alǵan ondaǵan turǵyn aýrýhanaǵa túsken. İzdeý-qutqarý jumystary damylsyz júrip jatyr, dep habarlaıdy Almaty-akshamy.kz.
24.kz aqparatyna saı, Úkimet qurbandar qatary áli ósýi múmkin ekenin eskertedi. Zilzala kezinde 200-den astam ǵımaratta órt shyqty. Noto túbegine aparatyn joldar qırap, kólikter qatynaı almaı qaldy. Osy sátke deıin 50 myńǵa jýyq turǵyn qaýipsiz jaqqa kóshirilgen. Qaýip áli seıilgen joq. Bılik áli de jer silikinýi múmkin ekenin eskertedi.
«Zilzala oshaǵyna jaqyn Shıka atom elektr stansıasynan bastap basqa da nysandarda eshqandaı aqaý tirkelgen joq. Jerasty dúmpýleri qaıtalanýy múmkin ekenin joqqa shyǵara almaımyz. Sondyqtan barsha adamdy barynsha saq bolýǵa shaqyramyn. Radıo jáne onlaın habarlarǵa qulaqy túrip otyryńyzdar. Bılik evakýasıa týraly sheshim qabyldaýy da múmkin», - deıdi Japonıa mınıstrler kabınetiniń bas hatshysy Ósımasa Haıası.