«Almaty Qala Jaryq» MKK qyzmetkerleri aınalma joldarda jaryq beretin quraldardy qalpyna keltirýdi jalǵastyryp keledi.
Ál-Farabı dańǵyly men Jarokov kóshesiniń qıylysyndaǵy jolaıyryqta bıiktigi shamamen 40 m bolatyn 9 dińgek qalpyna keltirildi.
Dińgekter úlken aýmaqtar jáne iri ınfraqurylymdyq nysandardy – sport ǵımarattaryn, áýejaıdy, temirjol beketterin, avtomobıl joldaryn, jolaıyryqtardy, ónerkásiptik kásiporyndardy, avtoturaqtardy jáne t.b. jaryqtandyrýǵa arnalǵan.
Jarokov kóshesi men ál-Farabı dańǵylynyń qıylysynda kólik kóp júretin ýchaskede jaryq berýdi arttyrý úshin 400 vatt bolatyn 90 sham ornatyldy.
Qalpyna keltirý jumystary kezinde 630 metr mys kabel aýystyryldy. «Almaty Qala Jaryq» MKK mamandary ataǵandaı, buryn bul jolaıyryqta jaryq kómeski edi, qural-jabdyqtyń sapasyzdyǵyna baılanysty jaryq oqtyn-oqtyn óship qalatyn.
Ál-Farabı dańǵylyndaǵy túnelderde de jaryqtandyrý qalpyna keltirildi.
Esterińizge sala keteıik, qazan aıynda «Almaty Qala Jaryq» MKK kóshe jaryǵyn máselesin sheshý úshin tehnıkalyq qyzmetkerler shtatyn kóbeıtti. Almaty qalasynyń ákimi Erbolat Dosaevtyń tapsyrmasymen alǵashqy brıgada jasaqtalyp, 30 adamǵa jetti. Mobıldi top qyzmetkerleri kósheni jaryqtandyrý túıtkilin tezdetip sheshý úshin jeke qorǵanys quraldarymen jabdyqtalǵan.