Almatynyń jylý energetıkalyq kesheninde ınjenerlik jeliler men jabdyqtardyń tozý deńgeıiniń tómendeýi baıqalady.
Aldyn ala esepteýler boıynsha aǵymdaǵy jyly Almaty ákimi Erbolat Dosaevtyń tapsyrmasy boıynsha júrgizilgen jylýmen jabdyqtaý salasyndaǵy kezekti modernızasıalaý óziniń 25 jyldyq qyzmet merzimin ótegen qubyr jelileriniń paıyzyn 59,2%-ǵa deıin qysqartýǵa múmkindik berdi.
Jylý aralyq kezeńde jalpy uzyndyǵy 7,6 km jylý jelilerindegi 12 nysan rekonstrýksıalandy.
Jylý óndirý sektorynda barlyq 84 qazandyqta jóndeý-profılaktıkalyq jáne rekonstrýksıalaý jumystary júrgizildi. Atap aıtqanda, 7 jylý nysanynyń 13 qazandyǵy, 12 qazandyqtyń 24 tútin sorǵyshy, sondaı — aq basqa da qosalqy jabdyqtar aýystyryldy.
Modernızasıalaý aıasynda «Iýjnaıa» aýdandyq qazandyǵynyń óndiristik qýaty 1,5 ese, al «Premer» qazandyǵynyń óndiristik qýaty 2 ese ósti.
Almaty qalasy energetıka jáne sýmen jabdyqtaý basqarmasynyń habarlaýynsha, júrgizilip jatqan jumystardyń arqasynda 2023 jyly sýmen jabdyqtaý jelileriniń tozýy 2022 jylǵy 55,7% — dan aǵymdaǵy jyldyń sońyna qaraı 54,3% - ǵa, al sý burý 2022 jylǵy 57,8% - dan 57% - ǵa deıin tómendedi. Almatyda gazdandyrý deńgeıi 99,4%-ǵa jetti.
Ótken jyldyń qorytyndysy boıynsha megapolıste barlyǵy 231 km ınjenerlik jeli salyndy jáne modernızasıalandy, onyń ishinde 117 km sýmen jabdyqtaý, 96 km sý burý jáne 18 km jylýmen jabdyqtaý. Sonymen qatar, 13 káriz sorǵy stansıasy salyndy.