Jantaq qyzylordalyqtar úshin tańsyq emes.
Búginde emdik sýsyn tek Qyzylordada ǵana emes, alys-jaqyn shet elderge de satylymǵa shyqty, dep habarlaıdy aqshamnews.kz
Mamandyǵy ekonomıs, úsh balanyń anasy Juldyz Kóshjanova bala kútiminde otyryp, nemen aınalysý kerektigin zertteı bastaıdy. Osy kezde onyń nazaryna "túıe tikenegi" nemese "jantaq" dep te ataıtyn emdik shóp iligedi.Sóıtip ol bir jyldan beri túıe tikeneginen shaı daıyndap keledi. Shamamen aıyna 23 kg ónim satady.
Bul túıeniń súıikti shóbi, degenmen ejelde qazaq halqy bul shópti emdik maqsatta paıdalanǵan, tipti shaı da ázirlegen. Qupıa quram babadan balaǵa berilip keledi.
"Shaıdy demdeý úshin áıelder mamyr aıynda gúldegen ósimdik tikenderi men japyraqtaryn jınaıdy. Bastysy tikendi ósimdikten jaraqat alyp qalmaý qajet. Jantaqtyń tamyrynda birshama paıdaly zattar bar. Máselen: askorbın, organıkalyq qyshqyldar, rezeńke jáne efır maılary. Ol sýyqqa, tamaqtan ýlanýǵa, revmatızmge jáne basqa da túrli aýrýlarǵa kómektesedi. Sondaı-aq, sharshaýdy basyp, shóldi qandyrady", - deıdi Juldyz.
Juldyzdyń aıtýynsha, jantaqtan jasalǵan shaıdy otbasy músheleri túgel derlik ishedi. Ony sekseýil nemese aǵash jaǵyp samaýrynda qaınatqan durys. Degenmen arnaıy qaınatý talaptary joq. Ádettegi shaı sıaqty, birneshe qasyq qurǵaq ósimdikti qaınaǵan sýǵa buqtyrý kerek. Qalaýyńyz boıynsha qosymsha zattar qosýǵa bolady, biraq sút qatýǵa bolmaıdy.
"Aralda ósetin túıe tikeneginen daıyndalǵan shaıdy tanymal etý úshin, ony brend retinde qalyptastyrýdy uıǵardym. Dál osy ýaqytta "bir aýyl — bir ónim" jobasy jarıalandy. Oǵan qatysyp, grant utyp aldym. Jobanyń arqasynda endi ónimim Japonıadaǵy dúken sórelerine túsýi múmkin",- dedi Juldyz.