Almatyda respýblıkalyq «Taza Qazaqstan» baǵdarlamasy aıasynda kópqabatty turǵyn úılerdiń aýla aýmaqtarynda qoqys jınaý jáne konteınerlik alańdardy sanıtarlyq óńdeý boıynsha aýqymdy jumystar júrgizilýde, dep habarlaıdy aqshamnews.kz
18-24 qazan aralyǵynda «Jarqyn kúz» ekologıalyq aksıasy sheńberinde 700-den astam konteınerlik alańdy sanıtarlyq óńdeý, jýý jáne dezınfeksıalaý, sondaı-aq 24 747 kóshe jáne aýla qoqys jáshikterin tazalaý jumystary atqarylady.
Sonymen qatar, aýla aýmaqtarynyń sanıtarlyq jáne estetıkalyq jaǵdaıyn jaqsartý maqsatynda qoldanystaǵy konteınerlik alańdardy jańǵyrtý jáne olardy tereńdetilgen tıptegi konteınerlerge aýystyrý jumystary jalǵasýda. 2024-2025 jyldar aralyǵynda 2 myńnan astam jańa konteıner ornatý josparlanǵan.
Eske sala keteıik, Almatyda «Almaty – bizdiń ortaq úıimiz» atty kúzgi naýqannyń sıkli ótýde, onyń aıasynda qalada kúzgi-qysqy kezeńge belsendi daıyndyq jumystary júrgizilýde.