Beısenbi kúni Japonıanyń Tokıo qalasynda Paralımpıada alaýy estafetasy úshin alaý jaǵý sharasy bastaldy, dep habarlaıdy almaty-akshamy.kz QazAqparatqa silteme jasap.
Alaý estafetasyna baılanysty is-sharalar 24 tamyzdan 5 qyrkúıekke deıin ótetin Paralımpıada oıyndaryna serpin berý maqsatynda júrgizildi.
Paralımpıada oıyndarynyń alaýy Japonıadaǵy 800-den astam mýnısıpalıtetten jınalyp, Anglıanyń Stok-Mandevıll qalasynda – Paralımpıada qozǵalysynyń rýhanı otanyndaǵy alaýmen birigedi.
Grekıada jaǵylǵan olımpıada alaýymen salystyrǵanda, Paralımpıada oıyndarynyń ótkizý orny men tártibin ár mýnısıpalıtet ózi sheshetin boldy. Keıbir sharalar múmkindigi shekteýli adamdarǵa arnalǵan ǵımarattarda jáne arnaıy mektepterde, sondaı-aq tabıǵı apattan zardap shekken aýdandarda ótkiziledi.
Seısenbiden 20 tamyzǵa deıin Paralımpıada jarysy ótetin tórt prefektýrada alaý jaǵý sharasy uıymdastyrylmaq.
Uıymdastyrýshy memleket pen Ulybrıtanıada jaǵylǵan alaý 20 tamyzda Tokıodaǵy saltanatty sharada birigedi.