Japonıanyń Hırosıma qalasyndaǵy samıtke jınalǵan «Úlken jetilik» elderiniń lıderleri resmı kelissózderdi bastady.
Búgingi jıynda aımaqtyq máseleler talqylanyp jatyr, dep habarlaıdy Almaty-akshamy.kz.
Qazaqstan.tv aqparatyna sáıkes, otyrys bastalmas buryn meımandar Beıbitshilik memorıaldyq saıabaǵyna bardy. 1945 jylǵy atom bombasynyń qurbandaryna taǵzym etip, gúl shoqtaryn qoıdy. Sodan keıin aǵash otyrǵyzý rásimine qatysty. Úsh kúndik forýmda álemniń damyǵan demokratıalyq memleketteriniń basshylary Ýkraınaǵa kómek, Qytaımen qatynas, klımattyń ózgerýi, damýshy elderdiń qaryzy jáne taza energıaǵa kóshý máselelerin talqylaıdy. Sonymen birge alǵash ret jasandy ıntellekti paıdalanýdy retteý týraly da sóz qozǵamaq.
Aıta ketsek, «Úlken jetilik» tobynda AQSH, Japonıa, Germanıa, Ulybrıtanıa, Fransıa, Kanada, Italıa bar.