Muǵalimderdi atestattaý, portfolıo jınaý máselesi qaıta qaralady.
Bul týraly Oqý-aǵartý mınıstri Ǵanı Beısenbaev aıtty, dep habarlaıdy Almaty-akshamy.kz.
«Bıyldan bastap muǵalimder birinshi kezekte óziniń sanatyn dáleldeý úshin eshqandaı portfolıo jınaýmen aınalyspaıtyn bolady. Óıtkeni bul da - jemqorlyqqa ıtermeleıtin dúnıeler. Ananyń týystary baryp jalǵan sertıfıkat alyp alady eken, mynanyń týystary baryp orden, medal baryp alady eken. Sóıtip, aqsha tólep olardy jınaıdy. Al ol eshkimge kerek emes. Negizi attestasıa - muǵalimniń jetistigi emes, muǵalimniń tabysy oqýshynyń jetistigi arqyly baǵalanýy kerek. Ekinshiden, muǵalim qalaı serıtıfıkat alamyn demeı, oqýshynyń bilimimen aınalysýy kerek. Al mınıstrlik oqýshysy jetistikke jetken muǵalimderdi syrttaı baqylaý arqyly avtomatty túrde onyń kategorıasyn ózimiz ákep berýimiz kerek», - dedi Oqý-aǵartý mınıstri Ǵanı Beısenbaev.
Buǵan deıin Taldyqorǵanda Sybaılas jemqorlyqqa qarsy is-qımyl agenttigi tóraǵasynyń birinshi orynbasary jáne Oqý-aǵartý mınıstriniń qatysýmen jıyn ótip jatqanyn habarlaǵan bolatynbyz. Oǵan aǵartý salasynyń barlyq mamandary qatysty.