Apparat ashyq ǵaryshta shamamen toǵyz aıǵa qaldyrylady
Japonıada 2023 jyly álemdegi birinshi aǵashtan jasalǵan jerserik ushyrylmaq, dep habarlaıdy Almaty-akshamy.kz QazAqparatqa silteme jasap.
Kyodo agenttigi málimetinshe, japondyq mamandary ǵarysh apparatyn 10 santımetrlik kishigirim sharshy retinde jasaýdy josparlap otyr. Jerseriktiń syrtqy qabaty aǵashtan jasalmaq. Onyń syrtyna kún batareıalary, al ishine antena qosylǵan elektrondyq jabdyq ornatylady.
Aqpan aıynda Japonıanyń aeroǵaryshtyq zertteýler agenttiginiń ǵaryshkeri Takao Doı ǵaryshta aǵash súregin synap kóredi. Ol Halyqaralyq ǵarysh stansıasyndaǵy zertteý modýliniń syrtyna aǵashtyń birneshe túrinen jasalǵan panelder bekitedi. Olar ashyq ǵaryshta shamamen toǵyz aıǵa qaldyrylady.
Japondyq mamandardyń oıynsha, jerserikterdi aǵashtan jasaý arzanǵa túsedi. Qazirgi qoldanystaǵy jerserikter allúmınııden jasalǵan.
Kıoto ýnıversıtetiniń profesory Doıdiń aıtýynsha, jospar júzege asyrylsa, ǵaryshqa qyzyǵýshylyq tanytqan balalardyń ózi jerserik jasaı alatyn bolady.
Jerserikti jasaýmen Kıoto ýnıversıteti men Sumitomo Forestry kompanıasynyń mamandary aınalysyp jatyr.