Beıjińde ótetin Qysqy Olımpıada oıyndaryna 60 sportshymyz qatysady
2022 jyldyń basty jańalyǵy Qysqy Olımpıada oıyndary Beıjińde 4-20 aqpan aralyǵynda ótedi. Oǵan elimizdiń sportshylar 60 joldama jeńip aldy, dep habarlaıdy Almaty-akshamy.kz Baq.kz-ke silteme jasap.
Mádenıet jáne sport mınıstrligi Sport jáne dene shynyqtyrý isteri komıtetiniń aqparatynsha, atletter jeti sport túri boıynsha baq synaıdy. Olar: shańǵy sporty, shańǵymen tramplınnen sekirý, shańǵy qossaıysy, frıstaıl (mogýl, akrobatıka), taý shańǵy sporty, short-trek, kónkımen júgirý sporty.
Sońǵy irikteý jarystary osy aıda ótedi. Al kvota men joldama bólý 16 qańtarda aıaqtalady. Osydan keıin Olımpıada oıyndaryna qatysý úshin Qazaqstan Respýblıkasynyń delegasıasy jasaqtalady.
Sondaı-aq Dımash Qudaıbergen álemniń birneshe eliniń ánshilerimen birlesip Qysqy Olımpıada oıyndaryna mýzykalyq syı ázirlep jatyr. Bul týraly ánshi óziniń Instagram paraqshasynda jazǵan bolatyn.
«Ortaq bolashaq úshin birge». Bul endi Qysqy Olımpıada jáne paralımpıada oıyndarynyń resmı urany ǵana emes, sonymen qosa mýzykalyq estafeta. Jeltoqsannyń basynda álemniń túkpir-túkpirinen adamdar aldaǵy Beıjiń Olımpıadasynda án aıtýymdy surady. Sonyń nátıjesinde túrli el men qurlyqtan ondaǵan adamnyń daýsyn biriktirgen mýzykalyq hıt paıda boldy», – dep jazdy Dımash Qudaıbergen.