Barlyǵy 600 saılaý ýchaskesi ashyldy.
Daýys berý bastalǵannan bir saǵat ótken soń Qazaqstan Respýblıkasy Prezıdenti saılaýynan habar taratý jónindegi baspasóz ortalyǵynda Almaty qalalyq aýmaqtyq saılaý komısıasynyń tóraıymy Janna Asanova saılaýdaǵy belsendilik týraly aıtyp berdi, dep habarlaıdy Almaty-akshamy.kz
Barlyǵy 600 saılaý ýchaskesi ashyldy, onyń altaýy tańǵy saǵat 6.00-de esigin aıqara ashty (áskerı mekemelerde), qalǵandary tańǵy saǵat 7.00-de jumysyn bastady. 55 saılaý ýchaskesinde tirkelmegen adamdar daýys bere alady, taǵy bir ereksheligi 68 saılaý ýchaskesi saılaýshylar daýys bergen boıda kez kelgen ýaqytta jumysyn toqtata alady. Almatyda barlyǵy 1 mıllıon 176 myń saılaýshy bar.
Barlyǵy 8 aýdandyq jáne bir qalalyq komısıa bar. Janna Asanovanyń aıtýynsha, tańerteńnen saılaý ýchaskelerinde daýys berýshilerdiń belsendiligi baıqalady.
«Trenıń barysynda teorıalyq bólimnen basqa, ótken naýqandardyń tájirıbesinen qalyptasqan keıster pysyqtaldy. Zańǵa sáıkes, eger saılaýshy búletendi óz betimen toltyra almasa, ol senim bildirgen adamnyń kómegin paıdalanýǵa quqyly, biraq ol adam saılaý komısıasynyń múshesi, BAQ ókili nemese kandıdattyń senimdi ókili bolmaýy tıis», - dedi J.Asanova.
Almatyda 43 myńnan astam múmkindigi shekteýli adam tirkelgen, olar úshin ınvataksı jumys isteıtin bolady, olardyń jumysyn jergilikti atqarýshy organdar retteıdi.