QR Eńbek sińirgen qaıratkeri, ánshi Birjan Hasanǵalıev Almaty qalasynda ózi tirkelgen №65 saılaý ýchaskesine baryp, óz tańdaýyn jasady. Birjan Hasanǵalıev daýys berý ár azamattyń boryshy dep sanaıdy. Ári barsha qazaqstandyqty saıası naýqanǵa belsendi qatysýǵa shaqyrady, dep habarlaıdy Almaty-akshamy.kz.
«Qurmetti qazaqstandyqtar! Prezıdent saılaýy - bizdiń elimiz úshin óte mańyzdy saıası is-shara. Búgin men de 65-shi ýchaskege baryp, daýysymdy berdim, tańdaýymdy jasadym. Sizderdi de ózińizdiń azamattyq boryshyńyzdy atqarýǵa shaqyramyn. Bárimiz saılaýdan qalmaıyq», - dedi ánshi.
Aıta ketken jón, Almatyda 600 saılaý ýchaskesi jumys istep jatyr. Qalada 1 mıllıon 176 myńnan astam adam daýys bere alady. Al turǵylyqty tirkeýi joq azamattar úshin 55 daýys berý ýchaskesi jumys isteıdi.