16 shet memlekettegi ókildik janynan 17 ýchaske ashyldy.
Tańǵy saǵat segizdegi málimet boıynsha, respýblıkada 1033 saılaý ýchaskesi jumys istep tur, dep habarlaıdy Almaty-akshamy.kz
«Oblystardyń, respýblıkalyq mańyzy bar qalalardyń, elordanyń komısıalary usynǵan derekterge sáıkes, 2022 jylǵy 20 qarashada elorda ýaqytymen saǵat 8.15-tegi jaǵdaı boıynsha barlyq óńirde 1033 ýchaskede daýys berý bastaldy», - dedi Ortalyq saılaý komısıasynyń hatshysy Muhtar Erman.
Sondaı-aq Qazaqstannyń 16 shet memlekettegi ókildikteri janynan 17 ýchaske ashyldy. Osylaısha prezıdent saılaýynda barlyǵy 1050 ýchaske jumys istep tur.
Jalpy, respýblıkada daýys berýge arnalǵan 10 101 ýchaske bar. 53 shet memlekette 68 saılaý ýchaskesi jumys isteıdi.