WBO Andrade - Álimhanuly jekpe-jeginiń promoýterlik saýdasyn taǵy da keıinge shegerdi
Dúnıejúzilik boks uıymy (WBO) orta salmaqtaǵy WBO chempıony amerıkalyq Demetrıýs Andrade (31-0, 19 KO) men qazaqstandyq Jánibek Álimhanuly (11-0, 7 KO) arasyndaǵy jekpe-jektiń promoýterlik saýdasyna qatysty jańa sheshim qabyldady, dep habarlaıdy Almaty-akshamy.kz Rrosports.kz-ke silteme jasap
«Pýerto-Rıkodaǵy COVID-19 indetine baılanysty 160 fýnt salmaqtaǵy chempıon Demetrıýs Andrade men mindetti qarsylas Jánibek Álimhanuly arasynda jekpe-jek uıymdastyrýǵa jónindegi saýda ótetin ýaqyt taǵy ózgerdi. Endi ol juma kúni, 28 qańtarda saǵat 11:00-de WBO-dyń San-Hýandaǵy shtab-páterinde ótedi», - delingen uıymnyń tvıtter paraqshasynda.
Kezdesýge arnalǵan aýksıon áý basta Búkilálemdik boks uıymynyń bas ofısinde 14 qańtarda ótedi dep josparlanǵan. Keıin eki taraptyń ótinishi boıynsha is-shara 20 qańtarǵa aýystyrylǵan edi. Endi taǵy da keıinge shegerilip otyr
Eske sala keteıik, Álimhanuly Andradege mindetti qarsylas retinde 30 qarashada bekitildi. Oǵan deıin eki boksshy da nokaýtpen jeńiske jetken bolatyn.
Atap aıtqanda, Andrade ırlandıalyq Djeıson Kýıglıdi ekinshi raýndta nokaýtqa túsirdi. Al Jánibek Álimhanuly 2021 jyly eki jekpe-jek ótkizdi. Maýsym aıynda amerıkalyq boksshy Rob Brýntty (26-3, 18 KO) segizinshi raýndta jeńse, qarashada fransýz Hassan Ndam Njıkammen (38-6, 21 KO) judyryqtasyp, ony da segizinshi raýndta nokaýtqa jiberdi.
The current COVID-19 situation in Puerto Rico has forced the purse bid for 160 lb. Champion Demetrius Andrade's mandatory defense against Janibek Alimkhanuly to be rescheduled once again. It will now be held Friday, January 28th at 11:00 am at the WBO main offices in San Juan.
— WBO (@WorldBoxingOrg) January 20, 2022