Kóktemniń alǵashqy kúni elimizdiń saıası ómirindegi mańyzdy ózgeristermen bastalǵany óte qýantady. Nur Otan partıasynyń sońǵy jyldardaǵy baıaý temppen júrgizilip jatqan modernızasıasy, jaı ǵana sózdermen emes, naqty ispen, aıqyn maqsatymen shegelengenin kórýge bolady.
Eń aldymen, partıa ataýynyń Amanat dep ózgerýi elimizdiń bıleýshi partıasynyń halyq aldynda ózine alǵan jaýapkershiligi odan da joǵary ekendigine dálel.
Sonymen qatar, respýblıkalyq, aımaqtyq qoǵamdyq keńesterdiń ashyq formatta ótkizilýi, demokratıaǵa degen nyq qadamnyń kórinisi. Jaýapty hatshy laýazymynda elimizdiń jas azamaty Asqat Oralovtyń bolýy, árıne, bul partıa eski kózqarastaǵy nemese burynǵy saıası ıdeologıany nasıhattaýshylar emes, naǵyz jastardyń, bolashaqtyń partıasyna aınalatyny sózsiz.
Saıasatty synaıtyn kez ótti, endigi kezekte partıa jumysynyń damýyna naqty úles qosatyn ýaqyt keldi dep oılaımyn. Jańa Qazaqstandy birge quryp, jemisin bolashaq urpaq qana emes, bizge de kórýdi násip etsin!