LDUBB Boxing YouTube boks arnasynyń avtory Býg Ýıláms áleýmettik jelide WBO jáne IBF nusqalary boıynsha orta salmaqtaǵy álem chempıony, qazaqstandyq boksshy Jánibek Álimhanulyna (15-0, 10 KO) úndeý jasady, dep habarlaıdy almaty-akshamy.kz Sports.kz-ke silteme jasap.
Ýıláms Boxingscene.com portalynda Álimhanulynyń WBC nusqasy boıynsha orta salmaqtaǵy «ýaqytsha» belbeý ıegeri, Domınıkan Respýblıkasynyń sportshysy Karlos Adamesti (23-1, 18 KO) synǵa alǵany týraly baıandalǵan jarıalanymǵa jaýap berdi.
«Aqpan aıyndaǵy jekpe-jekke daıyndal», - dep jazdy Ýıláms X áleýmettik jelide.
Ol osy arqyly Álimhanulyna Adamespen 2024 jyldyń qysynda bolatyn jekpe-jekti meńzedi.
Aıta keteıik, Karlos Adames áleýmettik jelide Jánibek Álimhanulyn jekpe-jekke birneshe ret shaqyrdy, alaıda qazaqstandyq sportshy ózi tolyqqandy álem chempıony bolmaǵandyqtan, domınıkandyqpen judyryqtasýǵa qulshynys tanytpaı otyr.