Qalamyzda sońǵy táýlikte 353 naýqas tirkelgen, osylaı indet juqtyrýdyń táýliktik ósimi 0,4 paıyzǵa jetti.
Almaty qalasy Óńirlik komýnıkasıalar qyzmetiniń alańynda «KVI juqtyrǵandar sanynyń ósýine baılanysty Almatydaǵy epıdemıologıalyq jaǵdaı» taqyrybyndaǵy onlaın baspasóz máslıhatynda Almaty qalasy sanıtarıalyq-epıdemıologıalyq baqylaý departamentiniń basshysy Jandarbek Bekshın osylaı málim etti, dep habarlaıdy Almaty-akshamy.kz
Spıkerdiń aıtýynsha, jyl basynan osy ýaqytqa deıin Almatyda 56 myńnan astam koronavırýs indetin juqtyrý tirkelgen.
«Maýsym aıynda qalamyzda 4573 indet juqtyrý anyqtaldy. Sondyqtan memlekettiń Bas sanıtarynyń 26 maýsymdaǵy №19 qaýlysy boıynsha, shekteý sharalary kúsheıtildi. İndettiń damýy sońǵy aptalarda 2,1 esege ósti, 1142 -den 2377 -ge deıin artty. Sońǵy táýlikte 353 naýqas tirkelgen, táýliktik ósim 0,4 paıyzǵa jetti», -dedi qalanyń bas sanıtary.