Maýsym aıynda 4 573 jaǵdaı tirkelgen.
Almaty qalasynyń bas sanıtarlyq dárigeri Jandarbek Bekshın Óńirlik komýnıkasıalar qyzmetiniń baspasóz konferensıasynda sóılegen sózinde sońǵy eki aptada megapolıste KVI derti 1143-ten 2377 jaǵdaıǵa deıin óskenin aıtty, dep habarlaıdy Almaty-akshamy.kz/
Sanıtarlyq-epıdemıologıalyq baqylaý departamentiniń basshysy qala turǵyndarynan jaǵdaıdy ýshyqtyrmaý úshin belgilengen shekteýlerdi saqtaýdy surady.
Jandarbek Bekshınniń aıtýynsha, sońǵy táýlikte Almatyda KVI-diń 305 jaǵdaıy tirkelgen.
«Almatyda 17 maýsymnan bastap epıdemıologıalyq jaǵdaı barynsha kontagıozdy mýtasıalanǵan jańa «delta» shtamynyń taralýyna baılanysty kúrdelene tústi. Ótken aptada PTR nátıjeleri aldyńǵy 7 kúndegi 130-ǵa qaraǵanda táýligine 215-ke deıin ósti», – dedi qalanyń bas sanıtarlyq dárigeri.
Ol bıylǵy jyly megapolıste qazirdiń ózinde 56 myńnan astam vırýs juqtyrǵandardyń, onyń ishinde maýsym aıynda 4 573 jaǵdaıdyń tirkelgen aıtty. 2021 jyldyń birinshi jartyjyldyǵynda dert ótken jyldyń osy kezeńimen salystyrǵanda 10 esege artqan.