"Qazgıdromet" RMK 9 maýsym Qazaqstan aýmaǵy boıynsha aýa raıynyń jalpy boljamymen bólisti, dep habarlaıdy almaty-akshamy.kz.
"QR aýmaǵynyń basym bóliginde aýa raıynyń turaqsyz sıpaty saqtalady: naızaǵaı oınap, jańbyr jaýady, elimizdiń soltústiginde qatty jańbyr jaýyp, burshaq túsedi, qatty jel turady dep kútiledi. Respýblıka boıynsha ortaq tabıǵı qubylys - tumannyń bolýy, jeldiń ekpin alýy", - dep jazdy "Qazgıdromet" RMK habarlamasynda.
Kúndiz Almaty, Qyzylorda, Jetisý oblystarynda kún qatty ysıdy, Atyraý, Jambyl, Ulytaý oblystary, Abaı óńiriniń batysynda, Túrkistan oblysynyń shóleıtti aýdandarynda qatty ystyq bolady dep kútiledi.
Mańǵystaý, Túrkistan, Jambyl, Almaty oblystarynda, Ulytaý óńiriniń batysynda, ońtústiginde, ortalyǵynda, Qyzylorda oblysynyń soltústiginde, ońtústik-shyǵysynda, batysynda, Batys Qazaqstan oblysynyń ońtústiginde, Aqtóbe óńiriniń batysynda, soltústiginde, soltústik-shyǵysynda, ońtústiginde, Jetisý oblysynyń ortalyǵynda, Qostanaı, Qaraǵandy jáne Abaı oblystarynyń ońtústiginde órt qaýpi joǵary bolady.
Atyraý oblysynda, Túrkistan oblysynyń soltústik, batys, shóleıtti aýdandar bóliginde, Batys Qazaqstan oblysynyń batysynda, ońtústiginde, soltústik-shyǵysynda, Qyzylorda oblysynyń ortalyǵynda, soltústiginde, shyǵysynda, Mańǵystaý óńiriniń ortalyǵynda, Aqtóbe oblysynyń ońtústiginde tótenshe órt qaýpi kútiledi.