Parlament Senatynyń Tóraǵasy Máýlen Áshimbaev Almatydaǵy Astana Motors kompanıasynyń zavodynda bolyp otandyq avtomobıl ónerkásibiniń damý perspektıvalaryn talqylady, dep habarlaıdy almaty-akshamy.kz.
Depýtattar kásiporynnyń jańadan salynyp jatqan blogyn aralap, jumysshylarmen júzdesti. Zavod 2020 jyldyń qazan aıynda iske qosylǵan. Qazir ol Hyundai kóliginiń 11 modelin shyǵarady. Onyń ekeýi tolyq sıkl boıynsha óndiriledi. Zavodtaǵy barlyq operasıa ońtústik koreıalyq korporasıa bekitken standarttar men tehnologıalar boıynsha jasalady. Hyundai Trans Kazakhstan jylyna 50 myń avtomobıl shyǵarady. Kásiporynda 1300 adam jumys isteıdi. Qazirgi ýaqytta kompanıa avtokomponetter jasaıtyn birneshe zavod salyp jatyr. Senat spıkeri memleket otandyq avtomobıl óndirisin damytýǵa múddeli ekenin aıtty. Ásirese Qazaqstan aýmaǵynda tolyq sıkldy óndiristi qalyptastyrýǵa basymdyq berý qajet.