Sınoptıkter jeksenbi, 9 maýsymda Almatyda zıandy qospalar joǵary bolatynyn eskertti, dep habarlaıdy almaty-akshamy.kz.
Qazgıdromet mamandarynyń málimetinshe, Almaty turǵyndary men qonaqtaryn qolaısyz meteorologıalyq jaǵdaılar kútip tur.
Qolaısyz meteorologıalyq jaǵdaılar – atmosferalyq aýanyń betki qabatynda lastaýshy zattardyń jınalýyna yqpal etetin meteorologıalyq faktorlardyń qysqa merzimdi erekshe jıyntyǵy.
Mundaı aýa raıy kezinde:
- kóshede, ásirese, tasjoldardyń boıynda júrýdi azaıtý kerek;
- balalar men júkti áıelder uzaq ýaqyt serýendemegeni jón;
- sozylmaly ókpe, júrek-qan tamyrlary, alergıamen aýyratyn adamdar ózderimen birge dári-dármegin alyp júrýge tıis;
- taza aýadaǵy fızıkalyq belsendilikti shekteńiz;
- dene shynyqtyrý jáne sporttyq is-sharalardy jabyq sport keshenderinde ótkizý kerek.