2050 tonna kóktaıǵaqqa qarsy materıaldar paıdalanyldy.
27 jeltoqsan kúni tańǵy saǵat 02.00-den bastap Almaty qalasynyń tómengi aýdandarynda qar jaýa bastady. Saǵat 15.00-degi jaǵdaı boıynsha, taýly jáne taý bókterindegi aýdandarda 10 sm-ge deıin, qalada 5 sm qar jaýdy, dep habarlaıdy Almaty-akshamy.kz Almaty qalasynyń Turǵyn úı saıasaty basqarmasyna silteme jasap.
Kóktaıǵaqtyń aldyn alý maqsatynda joldarǵa kóktaıǵaqqa qarsy materıaldar sebiledi. 2050 tonna kóktaıǵaqqa qarsy materıaldar paıdalanyldy. Qalanyń joǵarǵy bóliginde qar tazalanýda.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, jalpy paıdalaný oryndaryn tazalaý boıynsha jumystar júrgizilýde.
526 arnaıy tehnıka birligi, 174 qumshashqysh jáne 1340 jol jumysshysy jumyldyryldy.
Aýdandyq ákimdikterde qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
"Qazgıdromettiń" boljamy boıynsha, keshke jáne túnde kóktaıǵaq bolýy múmkin.