Bir kún buryn Jańa Zelandıa elde bolǵan «Gabrıel» sıklonyna baılanysty óz tarıhynda úshinshi ret tótenshe jaǵdaı jarıalady.
AQSH Geologıalyq qyzmeti (USGS) men Eýropalyq Jerorta teńizi seısmologıalyq ortalyǵynyń (EMSC) málimetinshe, Jańa Zelandıa jaǵalaýynda magnıtýdasy 5,7 baldyq jer silkinisi boldy, dep habarlaıdy Almaty-akshamy.kz QazAqparatqa silteme jasap.
Jerasty dúmpýleri Jańa Zelandıanyń Soltústik jáne Ońtústik araldaryn bólip turǵan Kýk buǵazynyń sýlarynda tirkeldi. Zilzala oshaǵy Vellıngton aımaǵyndaǵy Loýer Hatt qalasynan soltústik-batysqa qaraı 79 km jerde, 74 km tereńdikte bolǵan.
Jańa Zelandıanyń Geonet qyzmeti jer silkinisiniń magnıtýdasyn 6,1 dep baǵalady. Sýnamı qaýpi, zardap shekkender men qıraýlar týraly habarlanǵan joq.