Búgin Ortalyq saılaý komısıasy 19 naýryzda ótetin kezekten tys Májilis saılaýyna taǵy 7 sheteldik baıqaýshyny akkredıttedi, dep habarlaıdy Almaty-akshamy.kz. QazAqparatqa silteme jasap.
«Halyqaralyq baıqaý ınstıtýty ashylǵannan beri 6 shet memleketten, 3 halyqaralyq uıymnan 72 baıqaýshy resmı tirkeýden ótti. Búgingi tańda Syrtqy ister mınıstrligi 3 shet memleketten 7 baıqaýshyny tirkeýden ótkizýdi usyndy. Atap aıtsaq, Ortalyq saılaý komısıasynyń shaqyrýy boıynsha Armenıa Respýblıkasynan 2 jáne Grýzıadan 2 baıqaýshy – atalǵan memleketterdiń ortalyq saılaý komısıasy músheleri men ókilderi. Sondaı-aq, Fransıa Respýblıkasynan 3 kandıdatýra, onyń ishinde qurmetti Elshi myrza men dıplomattar tirkeýge usynyldy», - dedi Ortalyq saılaý komısıasynyń hatshysy Muhtar Erman komısıa otyrysynda.
Osydan keıin Ortalyq saılaý komısıasy usynylǵan baıqaýshylardy tirkeý jóninde qaýly qabyldady.