BJZQ: Qordan otandastarymyzdyń derbes derekteri týraly málimettiń shyqqany týraly derek rastalmady
"BJZQ" AQ GitHub saıtyndaǵy qujattarǵa belgisiz tulǵalar ornalastyrǵan qazaqstandyqtardyń derbes derekteriniń BJZQ derekqorynan shyǵýy týraly jelide taralǵan aqparattyń shyndyqqa sáıkes kelmeıtini týraly resmı málimdeme jasaıdy.
BJZQ qaýipsizdik qyzmeti GitHub saıtynda ornalastyrylǵan derekterge egjeı-tegjeıli taldaý júrgizdi. Nátıjesinde, jarıalanǵan katalogta enpf.kz saıtynyń sıpattamasy ǵana kórsetilgeni anyqtaldy. Bul saıt ashyq aqparat kózi bolyp tabylady jáne onda salymshylar men alýshylardyń derbes derekteri joq.
Aqparattyq qaýipsizdikti qamtamasyz etý maqsatynda BJZQ kıberqaýipterge qarsy turý úshin zamanaýı jaraqtalǵan júıeni belsendi túrde qoldanady. Bul júıe Qordyń aqparattyq tehnologıalyq (AT) ınfraqurylymynyń syrtqy jáne ishki perımetrin asa belsendi qorǵaý ádisterin qamtıdy. BJZQ osy saladaǵy úzdik álemdik tájirıbelerdi qoldana otyryp, túrli jaǵdaılarǵa, aqparattyq qaýipsizdik qaterleri men táýekelderine ýaqytyly jaýap berip, qajetti sharalardy qoldana alady.
BJZQ nátıjelerdiń obektıvtiligi men senimdiligin qamtamasyz etetin, salymshylarǵa olardyń qupıa derekterin tolyq qorǵaýǵa kepildik beretin jáne aqparattyq qaýipsizdik salasyndaǵy normatıvtik talaptardy qatań saqtaıtyn halyqaralyq standarttar men talaptarǵa sáıkes aqparattyq qaýipsizdikti basqarý júıeleriniń halyqaralyq aýdıtinen únemi ótip turady.