Almaty ákimimen kezdesýlerde aıtylǵan qala turǵyndarynyń máselesi qalaı sheshilip jatyr
Almaty ákimi Erbolat Dosaev Alataý aýdanynyń turǵyndarymen kezekti kezdesýin ótkizdi. Qala ákimdiginiń baspasóz qyzmetinde 2023 jyldyń shildesinde osy aýdan turǵyndarymen kezdesýde megapolıs basshysynyń bergen tapsyrmalary týraly aıtyldy.
Sol kezde «14-aýmaq» jáne «Qarasý» shaǵyn aýdandarynyń turǵyndary uzaqqa sozylǵan ınjenerlik jelilerdi tóseý máselesin kóterdi. Sonyń nátıjesinde «14-aýmaq» shaǵyn aýdanynyń 16 kóshesinde 600-den astam menshik ıesiniń ýchaskeleriniń shekarasyna deıin taratý jelilerin montajdaı otyryp, 7,5 km sýmen qamtý jáne káriz jelileri salyndy. Sonymen qatar, trotýarlar men jartylaı aryq jelileri bar asfált tóseý jumystary júrgizildi. «Qarasý» shaǵyn aýdanynda 25 km sýmen qamtý jáne sý burý jelileri salyndy.
- Aýdan halqynyń ótinishimen №24, 125, 19, 88 marshrýttardaǵy avtobýstar jańartyldy, barlyǵy 52 birlik jyljymaly quram. Sonymen birge 13 jańa kótergish pen beınebaqylaý júıesin ornata otyryp, 18 jer ústi jaıaý júrginshiler ótkeline kúrdeli jóndeý júrgizildi. 5 jer asty jaıaý júrginshiler ótkelin jóndeý aıasynda shatyr jańartyldy, trotýar plıtalary, ýrnalar men jaryqtandyrý ishinara aýystyryldy. Jyl qorytyndysy boıynsha aýdandaǵy 12 shaǵyn aýdandaǵy 63 kóshedegi joldar ortasha jóndeýmen qamtyldy.
- Buǵan qosa, aýdan turǵyndary qatty jańbyr kezinde ártúrli ýchaskelerdiń sý basýyna alańdaýshylyq bildirdi. Sonyń nátıjesinde 7 kolektor tazartylyp, qalpyna keltirildi, 3 kolektor salyndy, sondaı-aq 8 ýchaskede uzyndyǵy 1,1 km aryq jelisiniń qurylysy men jóndeýi aıaqtaldy.
- Kezdesýde aýdan turǵyndary «Qarasý» shaǵyn aýdany saıabaq aımaǵyn jabdyqtaý týraly usynys jasady. Qala ákimi ótinishti qoldap, Baǵanaly Orda kóshesinde trotýar tóseý, oryndyqtar, ýrnalar ornatý, kóshelerdi jaryqtandyrý jáne aýmaq kógaldandyryldy.
Sonymen birge, Erbolat Dosaevtyń tapsyrmasymen Alataý aýdanynda ınovasıalyq shyǵarmashylyq ortalyǵy ashyldy, onda kovorkıng-aımaq, balalarǵa arnalǵan ınteraktıvti zal, aspazdyq, akterlik sheberlik, mýzyka stýdıalary, oqýshylarǵa arnalǵan demalys aımaǵy bar ashyq terasa, sondaı-aq logopedter, defektologtar, psıhologtar jumys isteıtin EDSH-zaldary men túzetý kabınetteri bar.