Memleket basshysy Qasym-Jomart Toqaev 2024 jylǵy 15 naýryzda Ulttyq Quryltaıdyń úshinshi otyrysynda sóılegen sózinde "Aıbyn" ordenine beriletin úsh qazaqstandyq jaýynger týraly aıtty, dep habarlaıdy almaty-akshamy.kz.
Prezıdenttiń sózinshe, elimizdiń jylnamasyna esimi altyn árippen jazylǵan batyrlarymyz az emes.
"Men halqymyzdyń osyndaı úsh dańqty perzentine jeke toqtalǵym keledi. Maıdanǵa vzvod komandıri retinde attanǵan Saǵadat Nurmaǵambetov soǵysty Berlın túbinde batalón komandıri bolyp aıaqtady. Surapyl soǵystyń barlyq qıyndyǵyn kórgen ol Táýelsiz Qazaqstannyń tuńǵysh qorǵanys mınıstri boldy. Aıryqsha qolbasshylyq qabiletimen aty ańyzǵa aınalǵan taǵy bir tulǵa – Baýyrjan Momyshuly. Ol maıdan shebindegi eń qıyn shaıqastarǵa qatysty, batalón, polk, dıvızıa basqardy. Onyń qorshaýdan shyǵý tásili keıin soǵys ónerine "Momyshuly spırali" degen ataýmen endi. Raqymjan Qoshqarbaevtyń óshpes erligi de búginde esh talas týdyrmaıdy. Ol – alǵashqylardyń biri bolyp Reıhstagqa tý tikken batyr", - dep aıtty Memleket basshysy.