Qujattardy qabyldaý 1 tamyzda aıaqtalady.
Búgingi tańda balalardy birinshi synypqa qabyldaýǵa 390 myńǵa jýyq ótinish tústi. Onyń ishinde balalardyń 70%-y memlekettik tilde oqýdy tańdady, dep habarlaıdy Almaty-akshamy.kz Ortcom.kz cilteme jasap.
Birinshi synypqa ótinishterdi qabyldaý 1 sáýirde bastalǵan bolatyn. Al qujattardy qabyldaý merzimi 2022 jylǵy 1 tamyzda aıaqtalady. Odan keıin mektepterge synyptardy qalyptastyrýǵa sapaly daıyndyq jumystaryn júrgizýge jáne oqý úrdisin uıymdastyrýǵa ýaqyt beriledi.
«Qujattardy qabyldaý merziminiń aıaqtalýyna sanaýly kúnder qaldy. 1 sáýirden bastap 4 aı boıy BAQ-ta da, áleýmettik jelilerde de 1 tamyzǵa deıin qujattardy tapsyrý qajettigi týraly habarlap kelemiz. Áli ótinish berip úlgermegender 1 tamyzǵa deıin qujat tapsyra alady. Qazir kóptegen memlekettik bilim berý qyzmeti elektrondy formatta qoljetimdi, sol sebepti egov.kz veb-portaly arqyly ótinish jiberýge bolady. Sonymen qatar ata-analardyń ótinishi boıynsha qujattardy dástúrli qaǵaz formatynda da tapsyrý múmkindigi bar», - dep túsindirdi QR Oqý-aǵartý mınıstrligi Mektepke deıingi jáne orta bilim komıtetiniń tóraǵasy Gúlmıra Kárimova.
Balalardy qazaq synyptaryna qabyldaý boıynsha joǵary kórsetkish Qyzylorda (89,7%), Batys Qazaqstan (85,4%), Mańǵystaý (87,6%) jáne Jambyl oblystarynda baıqalady.
Jańa oqý jylynda 405-410 myńǵa jýyq bala 1-synypqa barady dep kútilip otyr.