Elimiz Saýd Arabıasyna et eksporttaıdy.
Qazaqstan Respýblıkasynyń Prezıdenti Qasym-Jomart Toqaevtyń Saýd Arabıasyna sapary aıasynda otandyq et eksporttaýshylar úshin jańa múmkindikterge jol ashatyn qujattarǵa qol qoıyldy. Bul týraly Aýyl sharýashylyǵy mınıstrliginiń baspasóz qyzmeti málim etti, dep habarlaıdy Almaty-akshamy.kz Elorda.info-ǵa silteme jasap.
24-25 shilde kúnderi eki eldiń saýda-ekonomıkalyq yntymaqtastyǵyn keńeıtý maqsatynda isker toptardyń ókilderiniń qatysýymen ınvestısıalyq dóńgelek ústel ótti. Sıyr eti men qoı eti ımportyna qoıylatyn sanıtarlyq jáne tehnıkalyq talaptar hattamasyna qol qoıyldy. Kelisimge Saýd Arabıasynyń azyq-túlik sektory jónindegi vıse-prezıdenti Muhammed ál-Nasar men QR ASHM Veterınarlyq baqylaý jáne qadaǵalaý komıtetiniń tóraǵasy Asqar Jaqypbaev qol qoıdy.
Qol qoıylǵan hattama qazaqstandyq qoı jáne sıyr etin óndirýshiler úshin ótkizý naryǵyn keńeıtýge jáne aýyl sharýashylyǵy salasyndaǵy yntymaqtastyqty odan ári arttyrýǵa múmkindik beredi.