«Qazaqstan temir joly» UQ» AQ málimetinshe, 2024 jyldyń qyrkúıeginen bastap 2025 jylǵy 13 sáýirge deıingi aralyqta jańa ónimniń 7 mıllıon tonna astyǵy eksporttaldy.
Bul kórsetkish ótken aýyl sharýashylyǵy maýsymyndaǵy (4,6 mln tonna) kórsetkishpen salystyrǵanda 35,2%-ǵa joǵary, dep habarlaıdy aqshamnews.kz.
Qazaqstandyq astyq eksportynyń negizgi baǵyty — Ortalyq Azıa elderi. Mysaly, Ózbekstanǵa jetkizý kólemi 2 mln tonnadan 2,6 mln tonnaǵa deıin ósip, 23,5%-ǵa artty. Tájikstanǵa eksport 33,7%-ǵa ulǵaıyp, 681 myń tonnadan 1 027 myń tonnaǵa jetti. Aýǵanstanǵa jetkizý kólemi 26%-ǵa (198 myń tonnadan 267 myń tonnaǵa deıin), Qyrǵyzstanǵa — 49,7%-ǵa (83 myń tonnadan 165 myń tonnaǵa deıin) ósti.
Astyq eksportynyń Iran men Ázerbaıjan baǵyttary boıynsha da aıtarlyqtaı ósimi baıqaldy. Iranǵa eksport kólemi 15,2 esege artyp, 54 myń tonnadan 825 myń tonnaǵa jetse, Ázerbaıjanǵa — 99,4 esege, ıaǵnı 5 myń tonnadan 497 myń tonnaǵa deıin ósken.
Qazaqstan óńirlik azyq-túlik naryǵyndaǵy óz pozısıasyn nyǵaıta otyryp, sapaly astyqty shetelge turaqty túrde eksporttaýdy jalǵastyrýda.