Kúni keshe Memleket basshysy Qasym-Jomart Kemeluly Toqaevtyń Joldaýynda táýelsiz elimizdiń damý jolyndaǵy basym baǵyttar men negizgi maqsattardy aıqyndady.
Eń aldymen, adam áleýetin arttyrýǵa arnalǵan Joldaýda 7 baǵytqa basa nazar aýdarylyp, 5 mańyzdy bastama kóterildi.
Dálirek aıtqanda, memleket tarapynan azyq-túlik baǵasyn baqylaý, eń tómengi jalaqy mólsherin 60 myń teńgege ulǵaıtý, zeınetaqy qoryndaǵy qarajatty «Otbasy bank» arqyly aýdarym jasap, baspanaly bolýǵa múmkindik berý. Bul bastamalar árbir turǵynnyń ómir súrý deńgeıin kóterýge arnalǵan.
El Prezıdenti qoıǵan mindetter Nur Otan partıasynyń 2025 jylǵa deıingi saılaýaldy baǵdarlamasynyń baǵyttarymen úılesip, jekelegen tustaryn tolyqtyryp otyr. Biz bul maqsat-mindetterge Elbasy saıasatynyń sabaqtastyǵyn qamtamasyz ete otyryp qol jetkize alamyz.
Naqty ister partıasynyń josparlary – halyqtyń qajettilikterinen shyǵyp, kómek kórsetýmen qatarlas. Osy rette halyqpen bılik arasyndaǵy kópir sanalatyn partıanyń qoǵamdyq qabyldaýynda máselelerdi sheshýdiń negizgi tetigi ornalasqan. Al Qasym-Jomart Kemelulynyń «Halyq únine qulaq asatyn memleket» tujyrymdamasy negizindegi bul Joldaýda barlyq kóterilgen máselelerdiń sheshý joldary naqtylanǵan.
Osy oraıda Joldaýdaǵy jańa mindetterdi júzege asyrýǵa Almaty qalasynyń qosar úlesi de erekshe bolmaq. Memleket basshysy aıtqandaı, respýblıka boıynsha mektepterdegi oryn tapshylyǵy 225 myń oryndy quraıdy. Bul rette partıanyń jańa mektepter ashý jáne jumys istep turǵan mektepterge japsarlas qurylystar salý esebinen oqýshy oryndarynyń tapshylyǵyn tómendetýdiń aıqyn jospary Nur Otan partıasynyń Jol kartasynda bar. Bul 2025 jylǵa deıin Almaty qalasy boıynsha jalpy 30 000-nan astam oqýshyǵa arnalǵan 15 mektep pen 25 mektepke japsarjaı salýdy bildiredi. Biz osy jáne basqa da kórsetkishterge partıalyq baqylaýdy keńester men fraksıa depýtattarynyń jumysyn kúsheıtý arqyly qol jetkizýge barymyzdy salamyz.
Nur Otan partıasynyń Almaty qalalyq fılıaly, óz kezeginde, ár almatylyqtyń laıyqty ómir súrýi úshin jaǵdaı jasap, El Prezıdentiniń Joldaýynda qoıylǵan mindetterdiń údesinen shyǵý úshin belsendi áreketpen jumyla kirisetin bolady. Partıalastar osyndaı syn saǵatta únemi aldyńǵy lekten kórinedi dep senimmen aıta alamyn.