AQSH-ta joıqyn daýyl saldarynan eldiń keı shtattarynda tótenshe jaǵdaı engizildi
Eń qatty zardap shekken Nú-Iork jáne Nú-Djersı shtattarynda ondaǵan adam kóz jumdy. Pensılvanıa shtatynda da opat bolǵandar bar, dep habarlaıdy Almaty-akshamy.kz.
Beısenbi kúni Qurama shtattardyń shyǵys jaǵalýynda nóser jaýyn tolastamaǵan. Buǵan deıin AQSH-tyń soltústik-shyǵysynda 29 adamnyń kóz jumǵany habarlanǵan edi. Sársenbi kúni úsh shtattyń bıligi «Ida» daýylyna baılanysty óz aýmaqtarynda tótenshe jaǵdaı rejımin engizdi. Birneshe saǵattyń ishinde Nú-Iorkte 15-25 cm jaýyn-shashyn túsken. Jergilikti turǵyndardyń telefondaryna sý basý jáne tornado qaýpi týraly habarlama kelgen. Brýklın men Kvıns aýdandarynda jergilikti turǵyndar áleýmettik jelilerde kósheler, úıler, metropolıten stansalaryn sý basqany týraly jazdy. Nóser jaýyn saldarynan úsh qalalyq áýejaı jumysy ýaqytsha toqtatylǵan, qalada ótip jatqan AQSH-tyń tenısten Ashyq chempıonatynyń (US Open) birneshe machy toqtatyldy.