Aýdannyń áleýmettik ınfraqurylymyn damytý máseleleri ákimdiktiń turaqty baqylaýynda.
Oqýshy oryndarynyń tapshylyǵyn azaıtý úshin aýdanda mektepterge qosymsha ǵımarattar salý jáne jóndeý boıynsha josparly jumys júrgizilýde. Máselen, ótken jyly 2 mekteptiń (№34 jáne 144 gımnazıalar) 850 oryndyq 2 qosymsha ǵımaraty paıdalanýǵa berilip, Qabanbaı batyr kóshesinde 850 oryndyq jeke mektep (Prometeýs) ashyldy,-dep habarlaıdy Almaty-akshamy.kz.
«Jaıly mektep» jobasy aıasynda bıyl Raıymbek dańǵyly men Áýezov kóshesi qıylysyndaǵy ýchaskede 1,5 myń oryndyq jańa mekteptiń qurylysyn bastap, 2024 jyly paıdalanýǵa berýdi josparlap otyrmyz. Sondaı-aq aýdannyń eki mektebine árqaısysy 300 oryndyq qosymsha qurylystar salý jobalary ázirlenýde. Shilde aıynda № 15 gımnazıany seısmıkalyq kúsheıtip, kúrdeli jóndeý aıaqtalady jáne tamyz aıyna deıin № 136 mektep-gımnazıany kúrdeli jóndeý, seısmıkalyq kúsheıtýge jobalaý-smetalyq qujattama ázirlenedi, - deıdi Almaty qalasynyń ákimi Erbolat Dosaev.
Mektepke deıingi bilim berý salasynda ótken jyly 290 oryndyq 5 jeke menshik balabaqsha ashylyp, №7 balabaqshany seısmıkalyq kúsheıtý aıaqtalǵan. Máýlenov kóshesi, 57 mekenjaıdaǵy qaıtarylǵan burynǵy balabaqsha ǵımaratyn kúrdeli jóndeýden ótkizilip, seısmıkalyq kúsheıtýge arnalǵan jobalaý-smetalyq qujattama mamyr aıynda saraptamadan shyǵady,
2023 jyldyń kúzinde qurylys-montajdaý jumystary aıaqtalmaq.