Qoǵamdyq keńistikti jańartý jumystary jalǵasýda.
Aýdan halqymen kezdesken megapolıs basshysynyń aıtýynsha, jaıly qalalyq ortany qurý maqsatynda ákimdik 2023 jyly Almaly aýdanynyń 77 aýlasyn retke keltiredi, dep habarlaıdy Almaty-akshamy.kz
Qoǵamdyq keńistikti jańartý jumystary jalǵasýda. Mamyr aıynda Kúlásh Baıseıitova atyndaǵy jaıaý júrginshiler kóshesinde ótken jyly bastalǵan jóndeý jumystary aıaqtalady. Bıylǵy jyldyń birinshi jartyjyldyǵynda Álıa men Mánshúk skverin rekonstrýksıalaý jumystary jáne taǵy alty skver men Dúısenov kóshesindegi jaıaý júrginshiler kóshesin jańǵyrtý men kógaldandyrý jumystary bastalady.
2022 jyly «Halyq qatysatyn búdjet» baǵdarlamasy boıynsha aýdanda 800 mln. teńgege 39 joba oryndaldy. 2023 jyly turǵyndardyń ótinishteri boıynsha eń kóp daýys jınaǵan 17 joba iske asyrylatyn bolady.
«Halyq qatysatyn búdjet» baǵdarlamasynyń tıimdiligin eskere otyryp, men osy jobalardy iske asyrýǵa bıyl qalanyń barlyq segiz aýdanyna qosymsha 7 mlrd teńge bólý týraly sheshim qabyldadym», - dedi qala basshysy búgingi kezdesýde.