Almaty ákimi Erbolat Dosaev Naýryzbaı aýdanynyń turǵyndarymen kezdesýde jańadan ashylǵan mektepterde oqytý tilin tańdaý jergilikti halyqtyń qajettilikterine baılanysty ekenin aıtty,-dep habarlaıdy Almaty-akshamy.kz
Naýryzbaı aýdany turǵyndarymen Almaty qalasynyń ákimi kezdesý barysynda turǵyndardy mazalaıtyn saýaldardyń biri jańa mektepterdiń tilin tańdaý jaıy qozǵaldy.
Kezdesý barysynda aýdan turǵyny: «Kóptegen mektepter ashylady, biraq olardyń barlyǵy tek qazaq tilinde oqytylady. Aralas mektepter joq, al bizdiń 157-shi mektepte bala sany asyp ketken», -degen saýal joldady.
Bizde aralas mektepter ashylady. Naýryzbaı aýdanynda iske qosylǵan jańa mektepterdiń kópshiligi qazaq tilinde oqytylady. Bul ótken jyldyń basynda osy aýdanda tapshylyǵy baıqalǵan 7,5 myń mektep ornynyń ishinde qazaq tilinde oqytatyn oryndarǵa ótinimderdiń bolǵanyna baılanysty. Sondyqtan ótinishter qanaǵattandyrylǵan bolatyn. Biz salǵaly otyrǵan jańa mektepter, onyń ishinde «Jaıly mektep» ulttyq jobasy aıasynda aýdandyq bilim basqarmalarynyń qaraýyndaǵy ótinimder sanyna qaraı ashylatyn bolady.
Jańa mektepter salýdy jalǵastyramyz. Memleket basshysy mektep bilimine erekshe kóńil bóledi. Bizde utqyr josparlar bar: 2025 jyldyń sońyna deıin mektepterdiń 30%-yn bir aýysymda ustaýǵa umtylatyn bolamyz. Bizde mundaı múmkindikter bar, - dep jaýap berdi Almaty ákimi Erbolat Dosaev.
Al qala turǵynynyń suraǵyna qalanyń Almaty qalasy bilim basqarmasynyń basshysy Lázzat Jylqybaeva óz tarapynan mektepterde oqytý tilin tańdaýǵa ne sebep bolǵanyn dálelder keltirý arqyly jaýap berdi.
Bizde qazaq mektepterine qajettilik úlken. Sońǵysy 1200 orynǵa eseptelgen N 207 mektep ashyldy. Qazaq synyptaryna 2400 bala, al orys synyptaryna 100-den aspaıtyn bala keldi. Osyǵan baılanysty biz 157-shi mektepte osy aýdan turǵyndary úshin orys tilinde oqıtyn balalardy tasymaldaýdy uıymdastyrdyq.
Biz, eń aldymen, ata-analardyń qajettilikterin eskeretin bolamyz. Ashylǵan segiz mekteptiń ekeýi aralas.