Elimizde 1Gb mobıldi ınternettiń ortasha quny nebári 0,37 AQSH dollaryn quraıdy.
Búginde ınternet elektr, jylý, sý, gaz sekildi basty qajettiliktiń birine aınaldy, dep habarlaıdy Almaty-akshamy.kz. QazAqparatqa silteme jasap.
Brıtandyq Cable taldaý resýrsynyń málimetinshe, ótken jyly 1 Gb mobıldi derekterdiń ortasha quny boıynsha 233 eldiń ishindegi Izraıl (0,04 $), Italıa (0,12 $), San-Marıno (0,14 $), Fıdjı (0,15 $) jáne Úndistanda (0,17 $) eń arzan bolyp shyqty.
Qazaqstan - eń arzan mobıldi ınterneti bar elderdiń qataryna kirdi. Elimizde 1 Gb mobıldi ınternettiń ortasha quny nebári 0,37 AQSH dollaryn qurady.
Zertteý kórsetkendeı, ınfraqurylymy jaqsy jolǵa qoıylǵan elder rankıngtiń «arzan» bóliginde ornalasqan. Talshyqty-optıkalyq jeliler jáne damyǵan mobıldi jáne keń jolaqty ınfraqurylym abonentterge trafıkti tómen baǵamen usynýǵa múmkindik beredi.
Reseıde 1 Gb mobıldi ınternettiń ortasha quny 0,48 AQSH dollary, Germanıada — 2,67 dollar, Portýgalıada — 3,67, Japonıada — 3,85 dollar, AQSH-ta-5,62 dollardy turady.
Qazaqstanda mobıldi ınternet quny álemdegi eń tómen baǵalardyń biri ǵana emes, jyldyq dınamıka jaǵynan alǵanda da qysqarǵan.
Cable málimetteri boıynsha, 2021 jyly Qazaqstanda 1 Gb mobıldi ınternettiń ortasha baǵasy 0,59 AQSH dollaryn qurady. 2019 jáne 2020 jyldary bul kórsetkish 0,49 jáne 0,46 dollarǵa tústi.