Túrkıanyń Adyıaman provınsıasynda jartas qaq aıyrylyp, mańaıynda ornalasqan aýyl turǵyndary qaýipsiz jerge kóshirildi, dep habarlaıdy Almaty-akshamy.kz.
Adyıaman - provınsıasy joıqyn zilzaladan eń qatty apatqa ushyraǵan úsh óńirdiń biri. Jer silkingende bul jartas qaq bólingen edi. Telearnanyń habarlaýynsha, jer silkinisinen 9 kún ótkennen keıin jartas odan beter qırap, turǵyn úılerge qaýip tóndirdi. Joıqyn zilzaladan keıin el aýmaǵynda 4300-den asa jerasty dúmpýi tirkeldi.
Túrkıa tótenshe jaǵdaılar agenttiginiń málimetine sensek, búginde qaza tapqandar sany 38 myńnan asty. Qutqarý jumystary áli de jalǵasyp jatyr. Kahramanmarashta 248 saǵattan keıin 17 jastaǵy qyz, Antakıada 228 saǵattan keıin 13 jastaǵy ul bala úıindi astynan aman-esen shyǵaryldy.
Nátıjesinde qutqarylǵandar sany 108 myńnan asty. Elimizden barǵan qutqarýshylar ózderine tapsyrylǵan nysandardaǵy jumysty aıaqtap, áriptesterine kómektesip jatyr. Eske sala keteıik, Túrkıanyń Hataı provınsıasynda taǵy da 5,1 baldyq jer silkinisi tirkeldi.