Balalar ádebıeti tyń shyǵarmamen tolyqty
Búgin Almatynyń Jambyl atyndaǵy jasóspirimder kitaphanasynda úlken is-shara ótti. Jazýshy Nurdáýlet Aqyshtyń «Taý ishindegi taýqymet» atty kitabynyń tusaýkeser rásimi boldy. Munda negizinen balalarǵa arnalǵan prozalar, áńgimeler, shytyrman oqıǵalar qamtylǵan. Kezdesýge kitaphana qyzmetkerleri, ustazdar, stýdentter, mektep oqýshylary qatysty.
Jıyndy qalamgerdiń ózi ashty. Oqyrmanmen oı bólisti. Sondaı-aq, Abaı ýnıversıtetiniń 4 kýrs stýdentteri Nurabulla, Ertaı esimdi jigitter sóz sóıledi. Olar árbir shyǵarmanyń ishki qurylymy, mazmuny, mán-maǵynasyna toqtaldy.
Sonymen qatar, kitaptyń keskindemelik, ılústrasıalyq sýretin ónertanýshy, PhD doktorant Móldir Kelsinbek jasaǵan. Osy jaıynda ózi egjeı-tegjeı baıandap berdi.
Osylaısha, shara suraq-jaýap formatyna aýysty. Pikir almasyldy. Sýretshi Erkin Nurazhan tamasha estelikter aıtyp, jıyndy qorytyndylady.