«Eńbek» baǵdarlamasy Naýryzbaı aýdanynyń turǵyndary arasynda tanymal.
Bul týraly Óńirlik komýnıkasıalar qyzmetiniń baspasóz konferensıasy barysynda Almaty qalasy Naýryzbaı aýdanynyń ákimi Sanjar Toǵaı aıtty, kóp jaǵdaıda azamattardy jumyspen qamtýǵa memlekettik baǵdarlamalar yqpal etkenin atap ótti, dep habarlaıdy Almaty-akshamy.kz
Aýdan ákimi «Eńbek» nátıjeli jumyspen qamtý jáne jappaı kásipkerlik baǵdarlamasy boıynsha qysqa merzimdi kásiptik oqýǵa 83 adam jiberilgenin, áleýmettik jumys oryndaryna 89 turǵyn, qoǵamdyq jumystarǵa 690 adam, jastar praktıkasy boıynsha 116 túlek jumyspen qamtylǵanyn, turaqty jumysqa 1 542 adam, birinshi jumys ornyna 4 jumyssyz ornalasqanyn, budan basqa 200 AEK mólsherinde 153 grant berilgenin habarlady.
«Eńbek» baǵdarlamasy Naýryzbaı aýdanynyń turǵyndary arasynda tanymal. Onyń arqasynda kóptegen adamdar jańa daǵdylarǵa ıe bolady, jumys tabady jáne óz isin ashady. Mysaly, bıyl 133 mıllıon teńgeden astam somaǵa 9 joba maquldandy. Bizdiń mindetimiz – qala turǵyndarynyń kásipkerlik bastamasyna kómektesý», - dedi Sanjar Toǵaı.
«Bıznestiń jol kartasy – 2025» baǵdarlamasy boıynsha jalpy quny 426 mln teńge bolatyn 28 joba maquldandy. Mysaly, «Almaty business – 2025» aıasynda keńse taýarlaryn óndiretin «Aınar-Keńse» kásipornynyń jobasyn iske asyrý úshin 2%-dyq mólsherlememen 70 mln teńge kóleminde jeńildetilgen nesıe berildi.