Almaty qalasy, Túrksib aýdanyna qarasty Almaty jolaýshylar kóligi jáne tehnologıalar kolejinde ústimizdegi jyldyń 22 aqpan kúni, "Jumysshy mamandyqtar jyly" jobasynyń aıasynda jumys berýshilermen, "Jańa kásipter atlasy" taqyrybynda dóńgelek ústel ótti. Búginde álem buryn-sońdy bolmaǵan qarqynmen ózgerýde. Barlyq ózekti trendterden habardar bolyp, jańa syn-qaterlerge daıyn bolý úshin biz eń tájirıbeli jumys berýshilerdi jınap, «Jańa kásipter atlasyn» – bolashaqtaǵy mansaptyq múmkindikter kartasyn usyndy.
Jumys berýshilermen birge kolejdiń ákimshilik quramy eńbek naryǵynyń qalaı ózgerip jatqanyn, tehnologıalyq jáne ekonomıkalyq trendterge baılanysty qandaı jańa kásipterdiń paıda bolyp jatqanyn, sondaı-aq bolashaq mamandar úshin qandaı daǵdylar negiz bolatynyn talqylady.
Almaty jolaýshylar kóligi jáne tehnologıalar kolejiniń dırektordyń oqý óndiristik isi men oqý isi jónindegi orynbasarlary Tleýǵazy E.S., jáne Bastasov S.E. «Kolej: jetistikter, múmkindikter, jáne mamandyqtar», «Álternatıvti jáne ekotransport tehnıgi» men «Jańa mamandyqtar atlasy» atty taqyryptarda baıandama jasady. Búginde eńbek naryǵy jańa tehnologıalar, ekologıalyq standarttar jáne ekonomıkalyq faktorlardyń áserinen qarqyndy túrde ózgerip keledi. Kólik salasy da bul ózgeristerden qalys qalmaı, ekologıalyq taza sheshimderge kóshýde. Osyǵan baılanysty «Álternatıvti jáne ekotransport tehnıgi» sıaqty jańa mamandarǵa suranys artyp otyrǵandyǵyn óz baıandamalarynda sózge tıek etti.
Kólik salasynda «Atlas» elektr kólikteri, sýtekti tehnologıalar jáne avtomattandyrylǵan júıeler sıaqty bolashaǵy zor baǵyttardy atap kórsetedi.
«Álternatıvti jáne ekotransport tehnıgi» mamandyǵy. Bul mamandyq elektr kólikterimen jáne jańa tehnologıalarmen jumys isteıtin mamandardy daıarlaýǵa baǵyttalǵan. Negizgi daǵdylar:
• Elektr kólikteri men gıbrıdterdiń dıagnostıkasy men tehnıkalyq qyzmet kórsetýi;
• Akýmýlátorlar men zarádtaý stansıalarymen jumys isteý;
• Aqaýlardy izdeý jáne olardy joıý;
• Kólikterdi dıagnostıkalaýǵa arnalǵan zamanaýı baǵdarlamalardy paıdalaný bolyp tabylady.
Iaǵnı, ekologıalyq kólikke kóshý — bul jaı ǵana trend emes, bul — zaman talaby. Osy salada mamandar daıarlaý kompanıalarǵa qajetti kadrlardy tabýǵa jáne ýaqytpen birge ilgerileýge kómektesedi.
Sharada kóptegen pikir-talastar men jańa ıdeıalar, bastamalar usynyldy.
Dóńgelek ústel barysynda aıtylǵan máselelerdiń negizgi qorytyndylaryna toqtalsaq, olar:
* Jańa kásipter ıkemdilikti jáne ómir boıy oqýǵa daıyn bolýdy talap etedi.
* Tehnologıalar men sıfrlandyrý mansaptyq ósýdiń jańa múmkindikterin ashady.
* Pánaralyq daǵdylardy damytý jáne málimettermen jumys isteýdi úırený mańyzdy.
Sonymen qatar shara barysynda, arnaıy kelgen ár sala qonaqtarymen birlese otyryp, kolej ákimshilik quramy kóptegen qyzyqty taqyryptardy birlese talqylap, sonyń ishinde jańa ári perspektıvaly mamandyq – «Álternatıvti jáne eko-kólik tehnıkasynyń mamany» týraly taqyryp barysyndaǵy talqylaýdy erekshe negizge aldy.
Ekologıa men turaqty sheshimderge nazar aýdarý artyp kele jatqan qazirgi álemde bul mamandyqtyń mańyzy arta túsýde. Sarapshylar elektromobılder, gıbrıdti jáne sýtegi tehnologıalarynyń damýyna baılanysty bul kólik quraldaryn jóndeý jáne qyzmet kórsetý salasynda bilikti mamandarǵa suranys arta beretinin atap ótti.
Bolashaqta osyndaı baǵyttaǵy is-sharalar, dóńgelek ústelder kóptep ótýine usynystar aıtyldy.
Sharaǵa belsendi qatysyp, óz ıdeıalarymen bólisken qonaqtarymyzǵa alǵys bildiremiz! Mundaı kezdesýler mansapty damytý jáne eńbek naryǵyndaǵy ózgeristerge beıimdelý máselelerine jaýap tabýǵa kómektesetinine kámil senemiz!
Dóńgelek ústelimizge qatysqan barlyq sarapshylar men qatysýshylarǵa úlken alǵys bildire otyryp, eńbekterińizge tolaǵaı tabystar tileımiz!