Freeride World Tour Qualifier – álem boıynsha ótetin irikteý jarystary.
Raıderler álem boıynsha ótetin túrli kezeńderge qatysyp, bal jınaıdy. Olardyń ishindegi eń úzdikteri FWT Challenger-ge shaqyrylady. Oǵan qatysý – FWT Pro serıasyna iriktelip shyǵý múmkindigi, dep habarlaıdy aqshamnews.kz.
FWT jarystary 5 krıterıı boıynsha baǵalanady:
● Jeliniń kúrdeliligi: raıder júrip óter joldyń qaısysyn tańdaıdy jáne aldynda qandaı kedergiler turady.
● Tehnıka: basqa raıder jeńil ótip ketken jerdi sen janyńmen syrǵanaýyń kerek bolýy múmkin, odan upaı joǵaltasyń.
● Baqylaý: óz áreketterińdi tolyq baqylaýyń kerek. Tóreshiler táýekel etetin, biraq daǵdylary jetilmegenderge qatal bolýy múmkin.
● Sekirý. Qanshalyqty bıik sekirdiń? Aýada ne boldy? Raıderdiń jerge qonýy qanshalyqty jaqsy boldy?
● Flúıdtilik – májbúr bolyp toqtamaı, basynan sońyea deıin qanshalyqty tez qozǵalasyń.
Jarystar ótetin betkeı: FWQ 2 juldyz – «Shkolnık» shyńynyń betkeıi
Qualifier 2*-ge qazirgi kezge deıin tirkelgen qatysýshylar sany – 95.
Qatysýshy elder: Avstralıa, Italıa, Qytaı, Iran, Qyrǵyzstan, Latvıa, Polsha, Reseı, AQSH, TaıBeı, Fransıa, Japonıa.
Qatysýshylar shańǵy boıynsha da (áıelder men erler), snoýbord boıynsha da (áıelder men erler) qatysa alady.
FWQ — qıyndyq deńgeıleri ártúrli irikteý kezeńder júıesi, onda sportshylar Freeride World Tour-ǵa qatysý múmkindigine ıe bolý úshin upaı jınaıdy. Jarys 1, 2, 3*** jáne 4* deńgeılerine bólinedi – deńgeı joǵary bolǵan saıyn, raıder júldeli oryn alǵany úshin sonsha reıtıńtiń upaı jınaıdy. Maýsym qorytyndysy boıynsha úzdik dep tanylǵan sportshylar FWT-ǵa ótip, álemniń myqty frıraıdshylarymen jarysý múmkindigin alady.
Osylaısha, Freeride World Qualifier — perspektıvti raıderlerdiń elıtaǵa ótý múmkindigi, al Freeride World Tour — úzdikterdiń úzdigi qatysatyn joǵary deńgeıdegi jarys.