Bul týraly Eńbek jáne halyqty áleýmettik qorǵaý mınıstri Tamara Dúısenova málimdedi.
2023 jyldyń 1 qańtarynan bastap áleýmettik tólemder men áleýmettik qyzmetter proaktıvti formatta kórsetiledi, dep habarlaıdy Almaty-akshamy.kz
Úkimet otyrysynda Premer-Mınıstr Álıhan Smaıylov áleýmettik qyzmetti proaktıvti formatqa ózgertý úshin «Otbasynyń sıfrlyq kartasy» óte mańyzdy ekenin atap ótti. Ol sıfrlyq karta 1 qańtardan bastap búkil óńirde jumys isteı me dep surady.
«1 qańtardan bastap áleýmettik qorǵaý salasyna qatysty barlyq tólem men áleýmettik qyzmetter proaktıvti formatta júrgizile bastaıdy. Biraq basqa memlekettik organdardyń aqparat júıesindegi derekter arqyly kórsetiletin qyzmetter ıntegrasıadan keıin kezeń-kezeńmen beriledi. Mysaly, sottyń sheshimine baılanysty kórsetiletin qyzmetter, shetelden kelgen azamattarǵa beriletin qyzmetter», - dep jaýap berdi Dúısenova Úkimet otyrysynda.
Smaıylov «Otbasynyń sıfrlyq kartasynyń» pılottyq nusqasy qyrkúıekten beri birqatar qyzmet boıynsha jumys istep turǵanyn jáne qazirdiń ózinde tıimdiligin kórsetkenin atap ótti.
«Áleýmettik qoldaý alý qajettiligi Sıfrlyq karta aıasynda aqparattyq júıe arqyly aıqyndalady. Iaǵnı, azamattar tıisti organdarǵa júginbeı-aq memlekettiń qoldaýyna ıe bolady. Memleket bul qajettilikti ózi anyqtaıdy jáne barlyq rásimdi avtomatty túrde júrgizedi», - dedi Premer-Mınıstr.