Mandarın jańa jyl merekesiniń sımvoly ispettes.
Sondyqtan onyń saýdasy jańa jyl qarsańynda qyza túsedi, dep habarlaıdy Almaty-akshamy.kz.
Kaz.inform.kz taratqan aqparatqa saı, el aýmaqtarynda mandarın baǵasy ár óńirde árqalaı bolyp tur.
Memlekettik kirister komıtetiniń málimetinshe, Qytaı, Pákistan jáne Túrkıa — elimizge mandarın jetkizýshi negizgi elder.
Sıtrýs pen ekzotıkalyq jemisterdi bári burynnan jaqsy kóredi jáne ımporttaý múmkindikteriniń arqasynda biz olardy jyl boıy paıdalana alamyz.
Bıyl qańtar-qazan aıy aralyǵynda respýblıkaǵa quny 35 607,2 myń AQSH dollaryn bolatyn 51 969,9 tonna sıtrýs jáne ekzotıkalyq jemister ımporttaldy.
Bıyl 10 aıda quny 34 579,8 myń AQSH dollary bolatyn, 51 095,4 tonna hosh ıisti sıtrýs jemisteri ákelindi.
Ótken jylǵa qaraǵanda elimizge jetkizilgen mandarın kólemi aıtarlyqtaı artqan. Sondaı-aq 12 878,0 myń AQSH dollardyń 15 882,5 tonna sıtrýs jemisteri ımporttaldy.