"Qorǵas – Shyǵys qaqpasy" erkin ekonomıkalyq aımaǵynyń aýmaǵynda zamanaýı áýe aılaǵy salynbaq, - dep habarlaıdy almaty-akshamy.kz Jetisý oblysy ákiminiń baspasóz qyzmetine silteme jasap.
Birlesken qazaq-nemis jobasyna 250 mlrd teńge ınvestısıa tartylyp, 700 jumys orny qurylady dep josparlanǵan. Joba úsh kezeńnen turady. Termınaldyń qýaty 50 myń tonna júk tasymaldaýǵa, jolaýshylar termınalynan saǵatyna 500 adamǵa deıin ótkizýge qaýqarly bolady.
Jobany iske asyrýǵa qatysty máseleler búgin oblys ákimi Beıbit Isabaevtyń ınvestorlarmen kezdesýi barysynda talqylandy.
İskerlik kezdesýde Beıbit Isabaev Jetisý oblysynyń tranzıttik áleýeti joǵary ekenin atap ótti. Qytaı men Ońtústik-SHyǵys Azıadan TMD elderi men Eýropaǵa deıingi mańyzdy marshrýttardyń qıylysynda "Qorǵas – Shyǵys qaqpasy" AEA ornalasqan, onyń quramyna Qurǵaq port, jalpy aýdany 5 myń gektarǵa jýyq logıstıkalyq jáne ındýstrıalyq aımaqtar kiredi.
"SKYMAX TEHNOLOGIES" kompanıalar toby" JSHS Bas dırektory Erik Shortanbaev joba jaıly keńinen áńgimelep, birinshi kezekte óziniń nemis seriktesterin, ıaǵnı jobaǵa ınvestısıa salýǵa nıetti "The Hansa Consortium" kompanıasynyń ókilderin tanystyrdy.
Investordyń aıtýynsha, joba úsh kezeńnen turady. Halyqaralyq júk-jolaýshylar áýejaıyn salýdan bólek, munda qajetti ınfraqurylymmen qamtý, sondaı-aq ony kezeń-kezeńimen keńeıtý, óndiristik qýatyn ulǵaıtý, qonaq úı, saýda-oıyn-saýyq ortalyǵyn iske qosý kózdelgen. Osylaısha joba 2032 jyly tolyǵymen aıaqtalady. Al áýejaı 2027 jyly jumysyn bastaıdy dep josparlanǵan.
Shortanbaevtyń aıtýynsha, jobany iske asyrýdyń İ kezeńinde áýejaıdyń negizgi ınfraqurylymy salynady, al İ jáne İİİ kezeńderde qosymsha ınfraqurylymdardy aıaqtaý, jolaýshylar termınalynyń ótkizý qabiletin, júk jáne otyn qoımalarynyń qýatyn keńeıtý qarastyrylǵan.
Sondaı-aq ınvestorlar saýda, týrısik qyzmetter, sondaı-aq tamaqtaný jáne ornalastyrý qyzmetteriniń keshenin keńeıtip, damytýǵa nıetti. Atap ótsek, áýelaınerlerine zamanaýı Jet a-1 otyny paıdalanylmaq.