Erbolat Dosaev sybaılas jemqorlyqqa qarsy is-qımyl máseleleri jónindegi Almaty qalalyq komısıanyń otyrysyn ótkizdi, dep habarlaıdy almaty-akshamy.kz
Almaty ákimi Erbolat Dosaevtyń tóraǵalyǵymen ótken keńeste qalanyń Sybaılas jemqorlyqqa qarsy qyzmetiniń basshysy Arman Rahımov densaýlyq saqtaý jáne qurylys salasyndaǵy sybaılas jemqorlyq quqyq buzýshylyqtyń aldyn alý máseleleri qaraldy.
Keńesti ashqan Almaty ákimi Erbolat Dosaev Memleket basshysynyń tapsyrmasyna sáıkes sybaılas jemqorlyqtyń aldyn alý jáne oǵan qarsy is-qımyl sharalaryna erekshe kóńil bólinetinin atady. Sybaılas jemqorlyq táýekelderin anyqtaý jónindegi birlesken jumystyń qorytyndysy boıynsha quqyq buzýshylyqtar jasaýǵa yqpal etetin sebepter men jaǵdaılardy joıý jónindegi jospar ázirlenip, iske asyrylýda.
Arman Rahımovtyń málimetinshe, qabyldanyp jatqan sharalar megapolıste sybaılas jemqorlyq qylmysyn tómendetýge múmkindik berdi. Máselen, eger 2019-2021 jyldar aralyǵynda qalanyń densaýlyq saqtaý salasyndaǵy sybaılas jemqorlyqqa qarsy qyzmeti 36 qylmystyq isti tirkese, sońǵy eki jylda barlyǵy 3 qylmystyq is tirkelgen.
Qalanyń Sybaılas jemqorlyqqa qarsy qyzmetiniń basshysy 2023 jyly qalanyń qoǵamdyq densaýlyq saqtaý basqarmasynyń qyzmetin syrtqy taldaý nátıjesinde 18 sybaılas jemqorlyq táýekeli anyqtalǵanyn, 20 usynys engizilgenin habarlady. Buǵan qosa, jeke medısınalyq uıymdarǵa medısınalyq qyzmetke lısenzıa alý kezindegi yqtımal buzýshylyqtar týraly shaǵymdarǵa baılanysty olardyń qyzmetiniń zańdylyǵyna monıtorıń júrgizý usynyldy.
Almaty qalasy Qoǵamdyq densaýlyq saqtaý basqarmasynyń basshysy Iran Shametekov baıandaǵandaı, medısınalyq qyzmet kórsetý sapasyn arttyrý úshin MÁMS júıesinde jumys isteıtin 147 medısınalyq uıym, onyń ishinde 123 jeke uıym proaktıvti monıtorıńpen qamtylǵan.
Qala ákimi qoǵamdyq densaýlyq saqtaý basqarmasyna Medısınalyq jáne farmasevtıkalyq baqylaý komıtetiniń Almaty boıynsha departamentimen birlesip, Densaýlyq saqtaý mınıstrligine jeke medısınalyq uıymdar boıynsha usynystar engizýdi tapsyrdy. Erbolat Dosaev atap ótkendeı, bul jumystyń basty maqsaty medısınalyq qyzmettiń sapasyn arttyrý jáne qala turǵyndarynyń ótinishine ýaqytyly den qoıý.
«Qurylys salasyndaǵy sybaılas jemqorlyq táýekelderin joıý jónindegi sharalar týraly» keńestiń ekinshi máselesi boıynsha Almaty ákimdigi apparatynyń basshysy Beıbit Shahanovtyń dereginshe, sáýlet organdary jumysynyń ashyqtyǵyn qamtamasyz etý jáne qazirgi zamanǵy IT sheshimderdi paıdalaný men laýazymdy tulǵalardyń jumysyn reglamentteý arqyly osy saladaǵy baqylaýdy kúsheıtý jóninde sharalar qabyldanýda. Sondaı-aq, Aýyl sharýashylyǵy mınıstrligine jer qatynastaryn jetildirý jáne teris maqsatta paıdalaný múmkindikterin joıý boıynsha birqatar usynys engizildi.
Keńesti qorytyndylaı kele, qala ákimi Erbolat Dosaev ákimdiktiń jaýapty bólimshelerine osy saladaǵy syrtqy taldaý nátıjesi boıynsha anyqtalǵan sybaılas jemqorlyq quqyq buzýshylyqtar jasaýǵa yqpal etetin sebepter men jaǵdaılardy joıý boıynsha usynymdardyń sapaly oryndalýyn qamtamasyz etýdi tapsyrdy.
«Sybaılas jemqorlyq táýekelderin anyqtaý jáne joıý, sybaılas jemqorlyqqa qarsy mádenıetti nyǵaıtý jáne sybaılas jemqorlyqtyń aldyn alý árbir basshynyń kúndelikti jumysy bolýǵa tıis. Resmı jumys ádisterinen bas tartyp, halyqtyń narazylyǵyn týdyratyn júıeli problemalyq máselelerdi sheshý jóninde sharalar qabyldaý qajet», - dedi Erbolat Dosaev.
Qazirgi ýaqytta qalalyq sybaılas jemqorlyqqa qarsy vedomstvo men Almaty ákimdigi barlyq salada sybaılas jemqorlyqqa qarsy is-qımyl boıynsha birlesken is-qımyldardy ázirlep, iske asyryp jatyr.