Eldiń damýy úshin kúni keshe ótken Prezıdent saılaýynyń mańyzy erekshe.
Prezıdent saılaýyndaǵy Qasym-Jomart Toqaevtyń jeńisi qazaq halqynyń senimi men qoldaýyn kórsetedi. Mundaı pikirdi AMANAT partıasy Almaty qalalyq fılıaly saıası keńesiniń múshesi Nurıa Nıazova aıtty, dep habarlaıdy Almaty-akshamy.kz.
Onyń pikirinshe, Qazaqstannyń memlekettik qaıratkerleri myqty kóshbasshymen birge bolýǵa jáne aldaǵy jeti jylda onyń saıasatyn qoldaýǵa daıyn ekendikterin aıtyp, úlken senim bildirýde. Sondaı-aq, ol elimizdiń jańa dáýirge aıaq basqaly turǵanyn aıtty.
«Biz Qazaqstanymyzdyń damýyndaǵy tarıhı kezeńniń aldynda jańa dáýirge aıaq basqaly turmyz. Qasym-Jomart Kemeluly 16 qarashada Almatyǵa kelgen saparynda áıelderdiń saıasattaǵy jáne qoǵamdaǵy rólin erekshe atap ótkenin aıtpaı ketýge bolmas. Prezıdent qańtar oqıǵasyn eske saldy, óıtkeni bul bizdiń tarıhymyz, tarıhsyz bolashaq joq. Al biz Qasym-Jomart Toqaevpen birge ol tańdaǵan durys jolmen júretin bolamyz», – dedi Nurıa Nıazova.